« Ry Tanindrazako malala! » de Antso

Par défaut

Je publie comme billet la nouvelle inspiration de Antso par rapport à la situation actuelle à Madagascar et vous la retrouverez également sur « sa » page dédiée…

Antso
21-10-2010

Ry Tanindrazako malala
Aza tsiny raha tsy te hahalala
Ireo miseho ho tia anao
Nefa manao ankilabao
Ny fitahiana ireo harena,
Mandroba anao ry Firenena

Ry Madagasikara soa
Ataoko ahoana no hankato

‘Reo milaza fa  mpitondra
Mafy loha toa ampondra?
Seza, kibo no kendreny
Ny hadalany sesehena

Fitsapan-kevi-bahoaka
“Eny” sa “tsia” fa aza mitsaoka!
Izay ihany hono no mba  fanarenana
Irika tokana : ny lalàm-panorenana!
Hijanona eo  izy na ho any na tsy ho any
Izay teninareo? Tsy raharahany izany!

Isalo, Ankarafantsika,, samy kila avokoa
Ny azy ny volon-tratrany no mahamay azy aloha
« Hamikitra isika, tandremo ! Attention !
Atsangano malaky ny conseils rehetra de la transition !
‘reo be menomenona alefaso Antanimora!
Ireo adrisa indray, ampandrio amin’ny ‘tsena mora’!”

Marary aho ry taniko, potika tarangana
Izany ve sisa? Moa ianao ho tafatsangana?
Ketraka aho nefa tsy hanaiky ireto adala
Ny hery mampitraka? Ny fitiavako anao  tsy miala
Vonona aho hisikina ireo herim-po
Hiady, hanasoa : ho anao doria tokoa!

Les commentaires sont fermés.